Ministri i Mbrojtjes, Armend Mehaj dhe ministrja e Industrisë, Rozeta Hajdari në Ditën Ndërkombëtare të Gruas, kanë bërë nderime pranë memorialit Heroinat në Prishtinë.
Mehaj në Facebook ka thënë se qëndresa e mbi 20 mijë grave të dhunuara në Kosovë gjatë luftës së fundit, meriton respekt e mirënjohje.
Teksa ka thënë se ato janë heroina të popullit tonë.
“Janë mbi 20 mijë persona të dhunuar gjatë luftës 1998/99, e janë gratë ato të cilat kanë përjetuar më së shumti dhunë nga okupatori kriminal serb.Qëndresa dhe sakrifica e tyre, dhe e të gjitha grave përgjatë periudhave të ndryshme të historisë sonë si komb meriton respekt e mirënjohje. Andaj, në këtë ditë të veçantë për gratë kudo në botë bëmë nderime para memorialit HEROINAT, sepse të tilla janë, heroina të popullit tone”, ka shkruar ai./teve1.info./