Kështu është thënë në një përgjigje për mediumin danez altinget.dk.
“Plani i bujshëm i qeverisë për të zgjidhur mungesën e hapësirës në burgjet daneze duke u dhënë me qira vende kriminelëve të dënuar me dëbim në Kosovë është lënë në pritje derisa Kosova të marrë 45 milionë korona në vit ndihmë daneze”, shkruan mediumi.
“Vetëm kur kjo të ndodhë, Danimarka mund të fillojë me rinovimin e burgut në Gjilan, në mënyrë që të jetë gati për të pritur kriminelët, për të cilët të dyja vendet kanë lidhur marrëveshje në dhjetor të vitit 2021”, shkruhet tutje.
Në anën tjetër, ish-ministri i zhvillimit Flemming Møller Mortensen ka pohuar se marrëveshja e burgut dhe marrëveshja e ndihmës ishin “dy pista negocimi plotësisht të pavarura”.
Ndryshe Kosova ka nënshkruar marrëveshje me Danimarkën në tetor të vitit 2021 për t’ia dhënë 300 qeli me qira, në mënyrë që aty të futen të dënuarit në Danimarkë. Nga kjo marrëveshje Kosova pritet të përfitojë 200 milionë euro.
Dokumenti është shndërruar në traktat, megjithatë ende nuk është ratifikuar në parlamentin e Kosovës. /teve1.info/
