Kryeministri izraelit, Benjamin Netanyahu ka pranuar në diskutimet me dyer të mbyllura se po has në vështirësi të ushtrojë ndikim në pozicionin e presidentit amerikan, Donald Trump për Iranin, kanë raportuar media izraelite të dielën.
Raporti i Channel 13, cituar nga Anadolu, tha se Netanyahu ka pranuar se momentalisht Izraeli nuk ka “hapësirë për manovrim” për të ndikuar në vendimet e Trumpit.
Kjo vjen ndërsa negociatat mes Uashingtonit dhe Teheranit duket se po shkojnë drejt një marrëveshjeje që do përfundonte luftën me Iranin.
Të dielën Izraeli ka mbajtur një mbledhje urgjente të Kabinetit të Sigurisë, pas raportimeve se një marrëveshje është afër, derisa institucionet izraelite të sigurisë kanë vazhduar të qëndrojnë në gjendje gatishmërie në lidhje me shqetësimin se ajo mund të ofrojë mbrojtje politike për Iranin, lehtësi ekonomike dhe të dhe të lërë të paprekur infrastrukturën e tij bërthamore dhe atë të ndërmjetësuar.
Sipas Channel 13, përpjekjet diplomatike të Izraelit në Uashington po udhëhiqen nga ish-Ministri i Çështjeve Strategjike Ron Dermer, ndërsa SHBA-të vazhdojnë negociatat me Ministrin e Jashtëm iranian Abbas Araghchi.
Transmetuesi citoi gjithashtu burime izraelite të cilat thanë se Udhëheqësi Suprem i Iranit, Mojtaba Khamenei, është “e vetmja figurë e aftë të prishë marrëveshjen”.
Trump tha të shtunën se një marrëveshje me Iranin për t’i dhënë fund luftës ishte “negociuar kryesisht” dhe pritej finalizimi. Ky përparim erdhi pas vizitës së Shefit të Ushtrisë Pakistaneze Asim Munir në Teheran, e dyta e tij në javët e fundit.
