“Shifrat janë tronditëse, 11 institucione arsimore, duke përfshirë pesë shkolla. Ka pikëpyetje për sasinë e dëmit të pësuar nga një spital dhe një klinikë. Edhe Pallati ynë i Kulturës u shkatërrua plotësisht,” tha kryebashkiaku Zelensky në Telegram të shtunën.
“Ndër objektet arsimore të dëmtuara është dega e Lozova e Kolegjit Automobilistik dhe Rrugor në Kharkiv. Ndërtesa arsimore numër 1, punëtoritë e trajnimit dhe prodhimit dhe një konvikt që ndodhen në territorin e kolegjit pësuan dëme gjithashtu,” shtoi kryebashkiaku Zelensky.
CNN raportoi të premten se një raketë ruse kishte shkatërruar Shtëpinë e Kulturës në Lozova, duke plagosur shtatë, përfshirë një fëmijë 11-vjeçar, sipas Zyrës së Presidentit të Ukrainës.
Lozova është afërsisht 73 kilometra, ose 45 milje, në jugperëndim të Izium, një qytet i pushtuar nga Rusia në rajonin e Kharkiv, shkruan CNN, transmeton teve1.info
