Gjykata Themelore në Prishtinë ka njoftuar se seanca e shqyrtimit ndaj tre të akuzuarve për rastin e Banjskës B.S., V.T. dhe D.M, për veprat penale “Kryerja e veprës terroriste dhe veprën penale” dhe “Veprat e rënda kundër rendit kushtetues dhe sigurisë së Republikës së Kosovës”.
Sipas njoftimit, seanca do të mbahet në ora 09:30.
“Duke pasur parasysh numrin e madh të mediave dhe monitoruesve të interesuar për të ndjekur këtë seancë gjyqësore, ju kujtojmë se është e nevojshme që pjesëmarrja në seancë gjyqësore të bëhet me një kërkesë paraprake. Për njoftimin tuaj kjo masë është administrative dhe organizative dhe nuk përbën kufizim të të drejtës për qasje publike, po ashtu nuk ka për qëllim të kufizojë transparencën, por synon ta bëjë këtë qasje më efikase, të organizojë dhe mundësojë një pjesëmarrje të drejtë dhe të menaxhueshme për koordinim institucional dhe sigurim të rendit në objekt të gjykatës”, thuhet në njoftimin e Gjykatës.
Deri tani, të arrestuar dhe nën masën e paraburgimit për këtë rast janë Blagoje Spasojeviq, Vladimir Toliq dhe Dushan Maksimoviq.
Që të tre të pandehurit janë deklaruar të pafajshëm.
