Kanë nisur të mbyllen të gjitha qendrat e votimit në katër komunat në veri të vendit.
Gazetari i Tëvë 1, Arton Rama theksoi se në Zveçan është mbyllur qendra e votimit më e madhe.
Teksa në Mitrovicë të Veriut, gazetari, Shpat Blakçori bëri të ditur se në lagjen 7 shtatori përballë “3 rrokaqiejve” është mbyllur qendra e votimit, teksa potencoi se pjesëmarrja në këto zgjedhje nuk ka qenë e madhe.
Policia e Kosovës ka njoftuar se procesi zgjedhor në Mitrovicë të Veriut, Zubin Potok, Zveçan dhe Leposaviq deri në këto momente ka shkuar pa ndonjë incident.
Numri i qytetarëve me të drejtë vote në këto komuna është 45 mijë e 95, teksa për kryetarë garojnë 10 kandidatë, dhe vetëm një është nga komuniteti serb. /Teve1.info/
