Kanë përfunduar pjesët e para të katër ndeshjeve të Superligës së Kosovës në futboll, që po luhen sot dhe i takojnë xhiros së tretë.
Skuadra e Gjilanit po avancon 2:0 ndaj Prishtinës, në ndeshjen që po e dominon pothuajse në tërësi.
Edi Basha (4’) dhe Senad Jaroviq (11’) nga penalltia, shënuan golat për Gjilanin, ekip që është në rrugë të mbarë për ta regjistruar fitoren e parë këtë sezon.
Në ndeshjen Ferizaj – Ballkani është shënuar nga një gol nga të dyja skuadrat dhe pas 45 minutave rezultati është 1:1.
Ndërkohë, në përballjet Malisheva – Dukagjini dhe Drenica – Prishtina e Re, nuk janë shënuar fare gola në pjesën e parë.
