Qendra Kombëtare për Menaxhim Kufitar ka përditësuar të dhënat për gjendjen në pikat e kalimit kufitar.
Sipas këtyre të dhënave, pritjet më të gjata janë në dalje të pikës kufitare Merdare, me kohë pritjeje deri në tri orë e 20 minuta dhe kolona automjetesh të gjata rreth dy kilometra.
Pritje deri në një orë ka edhe në pikën kufitare Dheu i Bardhë, ku kolona e automjeteve në dalje është 450 metra, ndërsa në hyrje pritjet janë vetëm pesë minuta dhe nuk ka kolona.
Në pikën kufitare Mutivodë, ka kolona deri në 50 metra, ndërsa pritjet në dalje shkojnë deri në 30 minuta.
Edhe në pikën kufitare Jarinjë është raportuar kolonë në dalje prej 150 metrash, me kohë pritjeje deri në 20 minuta. Në hyrje, pritjet janë nga pesë deri në dhjetë minuta.
Në të gjitha këto pika kufitare po regjistrohet një fluks i madh daljesh, për shkak të kthimit të bashkatdhetarëve në vendet ku jetojnë e punojnë.
