Pasditen e së premtes, në Qendrën e Kontrollimit Teknik në Mitrovicën Veriore nuk u pa asnjë veturë.
Ndonëse, ishte dita e fundit për konvertimin e targave ilegale, në ato RKS rrugëve të qytetit u panë plotë të tilla.
Qytetarët serbë nuk pranuan të flasin para kamerës se pse nuk po i konvertojnë targat ilegale të veturave të tyre.
Nga Ministria e Punëve të Brendshme, tregojnë ecurinë e këtij procesi dhe numrin e tabelave të konvertuara.
Zëdhënësja, Nora Fetoshi thotë se pas 15 dhjetorit nuk do të ketë afat shtesë për këtë proces, si dhe tregon se çfarë do të ndodhë me ato vetura që nuk janë të konvertuara.
Ndërkohë, zv.drejtori rajonal i Policisë në Mitrovicën Veriore, Veton Elshani thotë se nuk ka pasur asnjë incident që do ta prishte këtë proces.
Teksa thotë se sulme tjera si ajo e Banjskës mund të ketë sërish marrë parasysh zhvillimet e fundit, por që shton se Policia është vigjilente në atë pjesë.
Fillimisht vendimi për konvertimin e targave ilegale si KM, GL, PR , PZ, DE, UR etj. Kishte qenë valid deri më 1 nëntor të këtij viti, por për shkak të interesimit të madh ky vendim u shty edhe për një muaj e gjysmë.