Në zyrën e Kurtit janë të punësuar 29 persona duke përfshirë stafin politik e administrativ.
Për të këshilluar kryeministrin e vendit janë të angazhuar 22 këshilltarë politikë, ku 6 nga ta janë staf i jashtëm.
Kështu bëhet e ditur në të dhënat që ka siguruar Tëvë1 nga zyra e kryeministrit.
Nga kuleta e shtetit për stafin politik e administrativ çdo muaj shpenzohen mbi 13 mijë euro.
Pagën më të lartë e ka shefi i Kabinetit të Kryeministrit, Luan Dalipi, i cili merr pagën nga 1 mijë e 323 euro.
Derisa deputetja e Aleancës së Ardhmërisë, Time Kadrijaj, thotë se Kurti po bënë gjërat të cilat i ka kritikuar sa nuk ishte në pushtet e më të cilat ai ka ardhur në krye të Qeverisë.
“Premtuar shumë, ka refuzuar çdo gjë ka kundërshtuar, çdo gjë, derisa sot me komoditet po shfrytëzon edhe gjipat e zi, po shfrytëzon edhe numrin e madh të këshilltarëve, ministrave e zëvendeëministrave, krejt të gjitha ato që ka kundërshtuar”, është shprehur Kadrijaj.
Kadrijaj kërkon që sa më parë të vijë në Kuvend ligj për Qeverinë i cili do të specifikonte numrin e këshilltarëve të kryeministrit e ministrave.
Nga Lëvizja Fol problematike e shohin mungesën e transparencës së Qeverisë, pasi që asnjë nga emrat e punësuar në zyrën e Kryeministrit nuk janë publik.
“Problemin nuk e kemi te numri por të mungesa e transparencës, pra këta këshilltarë nuk janë publikë, nëse hin në ueb faqen e Kryeministrisë nuk mundësh me gjet këta emra”, thotë Ardi Shatri nga Lëvizja Fol.
Nga 29 punëtorë, vetëm 10 gra janë angazhuar për t’i shërbyer Albin Kurtit.
Kronika e realizuar nga gazetarja Doresa Geci.
