Vendimet që shqiptohen në salla të gjyqit, jo gjithmonë dalin të jenë të arsyeshme.
Për pasojë, personat që dënohen apo burgosen pa arsye kanë mundësi kompensimi nga shteti.
Për gjashtë muajt e parë të këtij viti, 61 persona kanë përfituar për shkak të dënimit apo burgosjes pa arsye.
Sipas të dhënave nga Këshilli Gjyqësor, vlera e përgjithshme që i ka kushtuar shtetit është 115 mijë e 467 euro.
Kjo shifër nuk po konsiderohet si e lartë nga Anton Nrecaj nga Instituti CLARD.
Ndërkohë, këto shifra sipas avokates, Fehmije Gashi Bytyqi, reflektojnë mospërgatitjet e prokurorëve të shtetit.
Vitin e kaluar, buxhetit të shtetit i kushtoi mbi 251 mijë euro kompensimi i të dënuarve apo të burgosurve pa arsye.
