Në Prishtinë po mbahet edicioni i 40-të i seminarit ndërkombëtar për gjuhën, letërsinë dhe kulturën shqiptare.
Në mesin e shumë aktivisteve në këtë seminar është edhe ofrimi i kurseve për mësimin e gjuhës shqipe nga studentë të huaj.
Sekretari i seminarit, Abdullah Rexhepi tha se këtë vit janë diku 110 studentë që do të marrin pjesë në kurset për mësimin e gjuhës.
Ai në emisionin Ditari” në Tëvë1, tha se ka studentë edhe nga Serbia që ndjekin këto kurse, në mesin e shumë vendeve të Evropës.
“Nga Gjermania nga Austria, me shumë ka studentë te profesorit, Oliver Schmitt, pastaj nga Polonia Bullgaria, Turqia, Serbia”, tha Rexhepi.
Ai ka tha se arsyet që të huajt mësojnë gjuhën shqipe janë të ndryshme, disa sipas tij janë studiues të gjuhëve, historianë por edhe përkthyes.
Rexhepi tregoi se këtë vit është një holandez i moshës 17-vjeçare, i cili po mëson dialektin gegë të gjuhës shqipe.
Seminari ndërkombëtar për gjuhën, letërsinë dhe kulturën shqiptare do të vazhdojë punimet deri më 25 gusht.
