Njehsorët elektrik të një objekti banesor janë përfshirë nga zjarri mbrëmë në Vushtrri.
Kjo ka ndikuar që objekti dhe lokalet afër të jenë pa energji elektrike që nga mbrëmë, raporton Tëvë1.
Tutje, bëhet e ditur se në dy katet e para të banesës kanë mungesë të furnizimit edhe me ujë.
Zëdhënësi i KEDS-it, Lulzim Krasniqi ka thënë se janë duke u bërë inspektimet e nevojshme dhe pasi këto të shqyrtohen nga personat kompetentë, do të përpilohet edhe një raport përfundimtar.
“Me të pranuar informatën për rastin në fjalë, i cili ka ndodh gjatë natës së mbrëmshme, grupi i specializuar për vlerësimin e dëmeve i KEDS-it ka dalë në vendin e ngjarjes. Me këtë rast janë bërë inspektimet e nevojshme dhe pasi këto të shqyrtohen nga personat kompetentë, do të përpilohet edhe një raport përfundimtar”, ka thënë Krasniqi për Tëvë1.
Ndërsa nga Policia e Kosovës kanë thënë se nuk ka persona të lënduar dhe se rasti është cilësuar si ”shkaktim i rrezikut të përgjithshëm“.
