Sulmuesi Kylian Mbappe i ka siguruar Real Madridit kalimin në 1/8 e finales të Ligës së Kampionëve.
Francezi, të mërkurën mbrëma realizoi “hat-trick” për ta konfimuar eliminimin e Manchester Cityt në fazën e play-offit.
Pas fitores 3:2 javën e shkuar në Angli në duelin e parë, Reali triumfoi edhe në ndeshjen e dytë për ta treguar forcën përball Cityt.
Ndeshja e kthimit përfundoi 3:1 në favor të Realit kurse Mbappe reliazoi golat në minutën e 3-të, 33-të dhe 61-të.
Golin e nderit për anglezët e shënoi Nico Gonzalez në minutën e dytë të kohës shtesë.
Kështu që, Reali avancoi tutje me rezultatin e përgjithshëm 6:3 pas dy ndeshjeve me Cityn.
Reali dominoi tërësisht në duelin e kthimit dhe nuk lejoi Cityn ta rrezikoj portën e belgut Thibaut Courtois.
Me eliminimin nga Championsi, Manchester City konfirmoi formën e dobët që po e kalon këtë sezon.
