Para bustit të Komandant Bardhit janë vendosur lule.
Në Kaçanik të Vjetër, në shkollën që mban emrin e tij, u nderua dëshmori i luftës, Qamil Ilazi.
Në 24 vjetorin e rënies, atë e kujtoi i biri dhe bashkëluftëtari tij.
“Unë isha vetëm si ushtar i tij dhe kuptohet që isha nën urdhrat e shtabit të brigadës, nën urdhrat e komandantit. Takimet kanë qenë të rralla dhe gjithmonë kur jemi prezentu, jemi prezentu në raport me eprorin dhe ushtarin dhe kështu e kam vlerësu deri në momentin e rënies së tij”, shprehet Besim Ilazi – djalë dhe bashkëluftëtar i komandant bardhit
Madje një tjetër bashkëluftëtar kujton bisedën me komandant Bardhin gjatë kohës së luftimeve.
“E pyes ‘komandant, këtu jemi qetë e atje po luftohet, Më tha ‘Ekrem, atje bahet zhurmë kurse këtu mund të hyjë këmbësoria, kështu që ka qenë një strateg..”, Ekrem Selimi
E me rastin e shënimit të 24 vjetorit të rënies, në sallën e kësaj shkolle u mbajt manifestim përkujtimor. Kontributin e komandantit e çmoi lart Zimri Krasniqi.
Personalitetin e Bardhit e nderoi edhe nënkryetari i komunës së Kaçanikut, Sabedin Vishi.
Qëndresën e bashkëluftëtarëve të rënë për liri e kujtuan edhe Organizata e Veteranëve të Luftës së UÇK-së.
Në nderim të veprës së Komandant Bardhit dhe bashkëluftëtarëve të tij, para të pranishmëve në sallë, nxënësit e kësaj shkolle shpalosën edhe programin kulturo-artistik.
