Anëtari i Nismës Socialdemokrate të Kosovës, Fatmir Matoshi ka thënë se ata nuk janë të interesuar që në këtë kohë të jenë pjesë e qeverisë me Vetëvendosjen, por ta votonte një qeveri të udhëhequr nga kjo parti e jashtë saj, nëse ata marrin postin e Kryetarit të Kuvendit.
Ai në emisionin “InfoNata” në Tëvë1 ka thënë se kjo ka qenë edhe oferta që kanë bërë gjatë diskutimeve me Vetëvendosje.
“Në këtë fazë Nisma nuk është e interesuar të jemi pjesë e Qeverisë, por sidoqoftë jemi të vetëdijshëm se duhet me u formua një shumicë parlamentare. Në këtë fazë nuk jemi të interesuar të jemi pjesë e Qeverisë, por kemi ofruar një mundësi bashkëpunimi duke u udhëheq Kuvendin e ri të Republikës së Kosovës, që unë mendoj se z.Limaj do të ishte më adekuati”, ka thënë Matoshi.
Matoshi nuk ka dhënë arsyet pse për momentin nuk duan qeveri të jenë pjesë e qeverisë, por ka thënë se në të ardhmen nuk mund të përjashtohet një gjë e tillë.
“Do të fillonim këtu dhe më pas ndoshta do të bënin qeveri, por për momentin nuk jemi të interesuar”, ka thënë ai.
Matoshi ka thënë se kjo parti do ta respektonte një marrëveshje ku së pari Limaj do të zgjidhjes kryetar Kuvendi e më pas do të votohej Qeveria.
Z.Limja nuk kish me qëndrua në krye të Kuvendit në rast se nuk është zbatua marrëveshja dhe dakoordimi me të cilën mundet me bë me z.Kurti. Limaj do ta udhëheq Kuvendin Kosovës vetëm nëse kjo shumicë arrin me bë edhe Qeverinë që e propozon LVV.
