Me qindra qytetarë u mblodhën në fshatin Reçak për t’i kujtuar viktimat e njërës nga masakrat më të rënda që ka ndodhur në Kosovë.
Në mesin e familjarëve dhimbja akoma ishte shumë e fortë.
Në Reçak erdhi edhe personi që i tregoi botës se në Kosovë po kryheshin krime kundër njerëzimit.
Ai që u bë zë i shpresës në momentet me të vështira për shqiptarët.
E dashuria për ambasadorin William Walker nuk kishte si të mungonte.
Qytetarët në radhë të gjata po prisnin që ta bënin një foto me të.
Prezent ishin edhe liderët shtetëror dhe ata opozitar.
Nuk munguan as ambasadorët e vendeve mike të Kosovës.
Kur të gjithë shkuan në shtëpinë e kulturës në Shtime, në akademinë përkujtimore e para e vendit, Vjosa Osmani tha se çdo varr në Reçak ka një histori tmerri.
Derisa Kryeministri, Albin Kurti, deklaroi se ata që mohojnë gjenocidin, e ëndërrojnë përsëritjen.
Ndërkaq, ish-shefi i misionit verifikues të OSBE-së në Kosovë, William Walker e vlerësoi masakrën e Reçakut si momente kthese për historinë e Kosovës.
Mes tjerash Walker u shpreh i lumtur që çdo ditë e më shumë po rritet numri i atyre që nderojnë viktimat e masakrës së Reçakut.
Kronika e realizuar nga Shpat Blakçori
