Athletic Bilbao ka konfirmuar të martën largimin e mbrojtësit Inigo Martinez, i cili pritet që të transferohet te Barcelona.
Në postimin e tij, Bilbao ka falënderuar Martinezin për kontributin e tij dhe i ka dëshiruar suksese në karrierë. Martinez gjatë këtij muaji pritet të prezantohet te Barcelona, ekip me të cilin ka kohë që ka arritur marrëveshje.
Ai te Barça do të transferohet si lojtar i lirë dhe do të firmos kontratë dyvjeçare me opsionin e rinovimit edhe për vitin e tretë. 32-vjeçari edicionin e fundit nuk ka pasur hapësirë të madhe te Bilbao, pasi ka regjistruar vetëm 18 ndeshje në të gjitha garat, ku e ka shënuar edhe një gol.
Ai ishte pjesë e Bilbaos prej vitit 2018, ndërsa karrierë në Spanjë ka bërë edhe te skuadra e Real Sociedadit.
