Qe gati tre muaj e synonte këtë karrige në Kuvendin e Kosovës.
Por, në drejtim të të parit të Nismës Socialdemokrate, Fatmir Limaj u bë një ofertë e re nga kryeministri në detyrë, Albin Kurti.
Në vend të pozitës legjislative iu ofrua post ekzekutiv.
Siç mëson televizioni, në këtë fazë bëhet fjalë për tri ministri.
E që do e pranoj Limaj këtë ofertë nga Kurti është i bindur ministri në detyrë për Komunite dhe Kthim, Nenad Rashiq.
“Hyjmë në një zonë të veprimeve të paparashikueshme. Personalisht nuk jam që të hyjmë në atë zonë ku nuk mund të parashihet se çfarë mund të jetë reagimi apo propozimi i Gjykatës Kushtetuese apo ndonjë institucioni tjetër. Unë besoj duke e njohur z.Limaj që do të jenë pragmatik dhe do të pranojnë një ofertë nga bisedat që janë zhvilluar me z.Kurtin. Besoj shumë, mos të thamë që jam i sigurt që z.Limaj do të pranojë këtë ofertë të Kurtit”, ka thënë Rashiq.
Madje Rashiq thotë se po të ishte në vendin e tij do e kishte pranuar edhe vetë.
Që mund të ketë më shumë se një ministri, e thotë edhe njohësi i zhvillimeve politike, Afrim Kasolli.
Madje, ai thotë se njëra mund të jetë edhe Ministria e Infrastrukturës.
Por Kasolli thotë se ekziston një mosbesim nga të dyja anët që e bënë më të vështirë këtë hap.
Televizioni tentoi të marrë një qëndrim për këtë çështje edhe nga Nisma Socialdemokrate, por të njëjtit nuk kane qenë të qasshëm.
Afati i fundit për konstituim të Kuvendit të Kosovës sipas aktgjykimit të Gjykatës Kushtetuese është 26 korriku.
