Selektori i ri i Kombëtares së Shqipërisë, Rolando Maran ka folur në konferencën për shtyp të enjten, ditë në të cilën publikoi listën e lojtarëve për miqësoret e qershorit.
Shqipëria më 3 dhe 6 qershor, do t’i zhvillojë dy ndeshje në stadiumin “Air Albania” në Tiranë, ku fillimisht do të përballet me Izraelin dhe pastaj me Luksemburgun.
Maran u shpreh se të dy ndeshjet janë të rëndësishme, pasi do ti shërbejnë si testim para fillimit të Ligës së Kombeve, garë në të cilën Shqipëria ka objektiva të qarta.
“Janë dy ndeshje shumë të rëndësishme për përgatitjet e dueleve që na presin. Jemi të uritur për rezultate të mira dhe sigurisht që ka optimizëm për t’ia dalë mbanë”, ka thënë Maran.
Tekniku i ri ka dhënë është arsyen që nuk e ka ftuar Jasir Asanin, duke shtuar se sulmuesi i krahut ka kohë që spo luan për shkak të luftës në Iran.
Maran ka zbuluar se pas këtyre dy miqësoreve do të fokusohet tek ekipi U21 i Shqipërisë, pasi sipas tij ka lojtarë që mund të jetë pjesë e ekipit A në të ardhmen.
Seancën e parë stërvitore të këtij grumbullimi, Kombëtarja e Shqipërisë do ta mbajë më datën 1 qershor, pra javën e ardhshme.
