Ministri në detyrë i Mbrojtjes, Ejup Maqedonci ka thënë se me zv.ndihmëssekretarin e Mbrojtjes së ShBA-së, David A. Baker kanë diskutuar për zhvillimet globale dhe sfidat e sigurisë dhe paqes në rajon e më gjerë.
Ai poashtu ka bërë të ditur se është theksuar përparimi që nga takimi i fundit në lidhje iniciativat e bashkëprodhimit me Shtetet e Bashkuara dhe zhvillimin e industrisë së mbrojtjes në Kosovë.
Maqedonci në një postim në Facebook ka thënë se Kosova është e përkushtuar për avancimin e partneritetit me ShBA-në në nivele më të larta
“Konfirmuam partneritetin mes dy vendeve tona ndërsa theksova angazhimin tonë për ta forcuar edhe më tej këtë bashkëpunim. Me Shtetet e Bashkuara si partnerin tonë të besueshëm, Kosova gëzon një siguri të shtuar dhe luan një rol të rëndësishëm në promovimin e paqes dhe stabilitetit, si në nivelin rajonal ashtu edhe në atë global. Ne jemi të përkushtuar për të avancuar këtë partneritet në nivele edhe më të larta!”, ka shkruar Maqedonci pas takimit me zyrtarin amerikan.
