22:34 “Manita” e Kosovës në fund të një cikli të vështirë
Përfaqësuesja e Kosovës në futboll ka shfaqur potencialin e saj në ndeshjen ndaj Qipros. Të martën mbrëma në “Fadil Vokrri”, Kosova fitoi bindshëm, 5:1 ndaj Qipros. Futbollistët e Kosovës kanë dominuar plotësisht dhe paraqitjen impresive e kanë kurorëzuar me fitore të lartë.
Kosova ka përfunduar e dyta në Grupin 2 të Ligës C të Ligës së Kombeve. I mblodhi nëntë pikë në gjashtë ndeshje. Grupin e ka fituar Greqia me 15 pikë. Kosova edhe në edicionin e ardhshëm do të luaj në Ligën C të Ligës së Kombeve.
Florent Muslija shënoi gol të bukur në minutën e 22-të për 1:0. Ai realizoi me goditje nga zona. Në fund të pjesës së parë (45+1’), Kosova e shënoi golin e dytë. Ishte Donat Rrudhani që realizoi pas asistimit të Vedat Muriqit.
Në pjesën e dytë Kosova ishte edhe më bindëse. Menjëherë në minutën e 47-të Elbasan Rashani shënoi për 3:0. Ai përfitoi pas një topi të kthyer. Fillimisht goditi Muriqi.
Sulmuesi i Kosovës, Vedat Muriqi shënoi për 4:0 në minutën e 52-të, ndërsa realizoi gol të bukur me goditje me kokë në minutën e 84-t për rezultatin 5:1. Valentin Roberge shënoi golin e vetëm për Qipron, në minutën e 81-të.
Kosova tani mund të bëhet gati për kualifikimet për Euro 2024. Kundërshtarët i mëson pas disa javësh, ndërsa ndeshjet e para i luan në mars. Dhe fitorja bindëse ndaj Qipros do të shërbejë që atmosfera të jetë dukshëm më e mirë.
22:27 Muriqi shënon për 5:1
Vedat Muriqi e ka shënuar edhe një gol për Kosovën ndaj Qipros.
Muriqi shënoi për 5:1 në minutën e 84-t. Ai shënoi me asistim të Milot Rashicës.
22:25 Qipro shënon golin e parë
Qipro ka shënuar golin e parë në ndeshjen ndaj Kosovës.
Për 4:1 ka shënuar Valentin Roberge në minutën e 81-të. Ai shënoi gol të bukur me goditje nga zona
Qipro ka arritur të shënoj golin e parë ndaj Kosovës. Goli për mysafirët erdhi në minutën e 81-të me realizator mbrojtëso
21:58 Muriqi shënon për epërsinë e lartë te Kosovës
Kosova po udhëheq 4:0 ndaj Qipros. Në minutën e 52-të, Vedat Muriqi ka shënuar me këmbën e djathë brenda zonës.
Sulmuesi shtatëlartë shënoi pas një asistimi nga Florent Muslija
21:52 Kosova po udhëheq 3:0
Kosova po udhëheq 3:0 ndaj Qipros. Menjëherë në minutën e 46-të, Elbasan Rashani ka shënuar me goditje nga zona.
Fillimisht Vedat Muriqi qëlloi shtyllën, ndërsa nga topi i kthyer përfitoi Rashani.
21:35 Kosova udhëheq me epërsi të dyfishtë ndaj Qipros pas pjesës së parë
Kosova po udhëheq 2:0 pas pjesës së parë në ndeshjen ndaj Qipros. Është Florent Muslija që ka shënuar golin e parë në minutën e 22-të. Për 2:0 shënoi Donat Rrudhani në minutën e parë të kohës shtesë (45+1’).
Me fitore, Kosova siguron pozitën e dytë në grupin C2 të Ligës së Kombeve.
Kosova ka dominuar në fushë ndaj qipriotëve, ndërsa ka krijuar shumë raste.
21:31 Gol tjetër i Kosovës
Kosova po udhëheq 2:0 në ndeshjen ndaj Qipros. Është Donat Rudhani që ka shënuar në fund të pjesës së parë (45+1’).
21:07 Kosova në epërsi ndaj Qipros
Kosova ka kaluar në epërsi ndaj Qipros.
Në minutën e 22-të gol të bukur shënoi Florent Muslija.
19:15 Formacionet zyrtare, Kosova me disa ndryshime në sfidën me Qipron
Kosova sonte ballafaqohet me Qipron në kuadër të Grupi 2 të Ligës C në Ligën e Kombeve.
Ndeshja mes “dardanëve” dhe qipriotëve do të luhet nga ora 20:45 në stadiumin “Fadil Vokrri”, në Prishtinë.
Trajneri Alain Giresse në këtë sfidë ka bërë disa ndryshime në formacion me ndeshjen e kaluar. Në portë do të jetë Samir Ujkani, pasi Aro Muriç është lënduar, derisa në mbrojtje është kthyer kapiteni Amir Rrahmani i cili është rikoperuar. Ndërsa tek mesfusha në vend të Dreseviq do të jetë fazliji, kurse të sulmi në vendin e Rashicës do të jetë Arbër Zeneli.
Edhe në këtë sfidë nga fillimi i takimit nuk do të ketë në formacionin bazë lojtarë të Superligës.
Formacioni startues i Kosovës: Ujkani; Hadërgjonaj, Rrahmani, Kryeziu, Rrudhani; Fazliji, Muslija, Celina; Rashani, Muriqi, Zeneli. /Tëvë1/
