Ish-selektori i Italisë, Roberto Mancini ka gjasa të mëdha ta marrë drejtimin e skuadrës së Beshiktashit.
Drejtuesit e ekipit nga Turqia po shqyrëtojnë mundësinë e shkarkimit të trajnerit Ole-Gunnar Solskjaer dhe po e shohin Mancinin si trajnerin e duhur.
Te Beshiktashi nuk janë të kënaqur me rezultatet e Solskjaerit dhe kontaktet me Mancinin thuhet se do të nisin brenda kësaj jave.
Mancini prej tetorit të vitit të shkuar është i papunë pasi dha dorëheqje nga posti i selektorit të Arabisë Saudite.
Si trajner, Mancini ka drejtuar edhe Zenitin, Interin, Galatasarayn, Manchester Cityn, Lazion e Fiorentinan.
