Maloku në Tëvë1 tha se nuk ka seriozitet në implementimin e marrëveshjeve të nënshkruara nga Qeveria e Kosovës dhe ajo e Shqipërisë.
Ai tha se edhe në të kaluarën ka pasur marrëveshje të tilla mes dy vendeve, mirëpo se nuk janë implemetuar.
“Handikepi i gjithë kësaj është që nuk ka pragmatikë, nuk ka prakticitet, nuk ka seriozitet në implementimin e asaj çka merren vesh apo dakordohen mes vete dy qeveritë. Nuk i zbatojnë marrëveshjet të cilat në fakt zotohen se do t’i kryejnë. Në fakt i nënshkruajnë, por nuk i kryejnë, shembull punën e abetares së përbashkët për të cilën flitet që nga viti 2012, domethënë e kemi marrëveshjen por nuk e kemi një implementim”, tha Maloku.
Tutje në emisionin “Info Nata” në Tëvë, teksa foli për marrëveshjet, Maloku theksoi se Qeverisë së Kosovës dhe asaj të Shqipërisë ju mungon konsultimi mes vete për ngjarje që prekin interesin e përgjithshëm./Teve1.info/
