Sulmuesi i Kombëtares së Kosovës, Vedat Muriqi pritet ti mungoj skuadrës së Mallorcas për disa javë, kanë raportuar mediumet spanjolle. Muriqi kërkoi zëvendësimin në pjesën e parë kundër Celta Vigos dhe ditëve në vijim do ti nënshtrohet kontrollimeve për të kuptuar gjendjen e tij.
31-vjeçarit i është ripërsëritur lëndimi që e kishte pas ndeshjeve të muajit të shkuar me Kosovën dhe mungesa e tij eventuale do të jetë problem i madh për Mallorcan. Ai është njëri prej lojtarëve kryesor te klubi spanjoll kurse këtë edicion ka shënuar 7 gola dhe ka bërë 2 asistime në 26 paraqitje në të gjitha garat.
Mallorca është në pozitën e dhjetë në La Liga me 40 pikë kurse ndeshjen e radhës e luan në udhëtim te Real Sociedadi.
