Malisheva të shtunën ishte dominues, derisa shkatërroi Feronikelin ’74 me shifra 4:1.
Ndeshja vazhdoi me barazim pa gola deri në minutën e 42’, kur Mustafa kaloi vendasit në avantazh, mirëpo vetëm dy minuta më pas Berisha barazoi për miqtë, duke bërë që pjesa e parë të mbyllej në “paqe”.
Në fraksionin e dytë Malisheva u tregua më kërkuese dhe në minutën e 51’ rimori avantazhin me Vitijan, ndërsa në minutën 71’ Ndjigi realizoi golin e tretë, teksa në minutën e 84’ Mashiva bëri “poker” dhe vulosi këtë sfidë.
Pas raundit të katërt Malisheva kryeson me nëntë pikë, teksa Feronikeli renditet në vend të shtatë me tre pikë.
Këtë të shtunë u zhvillua edhe takimi Liria – Fushe Kosova.
Liria me fitore ka shënuar suksesin e parë në Superligë. Ekipi prizrenas mposhti 2:1 Fushe Kosovën, me këtë të fundit që vazhdojnë të vuajnë mungesën e pikëve.
Sfida u zhbllokua nga Zenunaj, që kaloi Lirinë në avantazh në minutëne 34’ dhe bëri që pjesa e parë të mbyllej me rezultatin 1-0.
Fushë Kosova tentoi të reagojë dhe në minutën e 66’ Ivkic realizoi golin e barazimit. Barazim që zgjati deri në minutën e 90’, moment në të cilin Zenunaj realizoi golin e dytë personal, por edhe për ekipin, duke vulosur këtë takim. Pas javës së katërt Liria renditet në vend të pestë me pesë pikë, teksa Fushë Kosova pozicionohet në vend të fundit me zero pikë.
