Me mision për ta përmbys disavantazhin e një goli nga ndeshja e parë, Malisheva synon rezultat historik në kupat evropiane të enjten.
Duke nisur nga ora 20:45 me kohën lokale në Kosovë, në kryeqytetin islandez Reikjavik, skuadra malishevase do të zhvillojë ndeshjen e kthimit të raundit të parë kualifikues të Ligës së Konferencës.
Përballë Vikingurit që një javë më parë triumfoi 0:1 në Prishtinë, skuadra e Bekim Isufit synon përmbysjen dhe kalimin në rrethin tjetër që do të ishte arritje historike për ekipin e ri të Superligës.
Për Malishevën kjo është hera e dytë që po paraqitet në Evropë. Vjet u ndal në raundin e parë kualifikues të garës së njëjtë.
