Lëvizja Vetëvendosje ka shënuar një fitore të thellë në zgjedhjet e fundit, duke siguruar rreth 50,02 për qind të votave, bazuar në rezultatet e përmbledhura nga votat e deritanishme të numëruara nga Komisioni Qendror i Zgjedhjeve (KQZ).
Me këtë rezultat, LVV ka tejkaluar rekordin e saj nga zgjedhjet parlamentare të vitit 2021. Në zgjedhjet e 14 shkurtit të atij viti, kjo parti kishte marrë gjithsej 438.335 vota.
Ndërkaq, në zgjedhjet e mbajtura më 28 dhjetor, numri i votave për LVV-në ka arritur në rreth 447.434.
KQZ ka njoftuar sot se ka filluar edhe procesi i numërimit të votave të ardhura me postë, të cilat pritet të finalizojnë rezultatin përfundimtar. /teve1.info/
