Lëvizja Vetëvendosje, ka thënë se Serbia nuk është e interesuar për normalizim të marrëdhënieve, sepse nuk e duron barazinë me Republikën e Kosovës.
Në një postim në Facebook, kjo parti ka përmendur rastet kur Serbia gjatë takimeve të nivelit të lartë me ndërmjetësimin e BE-së ka pranuar marrëveshjet por ka refuzuar nënshkrimin e tyre.
“Është evidente që Serbia nuk do marrëveshje sepse ajo nuk është e interesuar për normalizim me Republikën e Kosovës. Prandaj, ajo vazhdimisht ikën nga nënshkrimi”, thuhet në postimi e LVV-së.
Po ashtu kjo parti, ka akuzuar Serbinë për përpjekje për destabilizm të Ballkanit, por kanë thënë se nëse tentojnë të bëjnë diçka të tillë në Kosovë, si në sulmin e 24 shtatorit në Banjskë, do ta marrin përgjigjen e njëjtë si para dy muajve.
