LVV-ja përmes një postimi në Facebook ka thënë se edhe Putini dhe Millosheviqi kanë bërë veprime dhe deklarata të ngjashme.
“Putin • Millosheviç. Veprimet dhe deklaratat të ngjashme. Të dy autokratë e kriminelë që vazhdimin e politikës e shohin me mjete ushtarake kur dështojnë e janë të pafuqishëm në tryezë”, thuhet në reagiin e kësaj partie.
Sipas LVV-së, Putini dhe Millosheviqi punuan me presidentin aktual të Serbisë, Aleksandar Vuçiq.
“Të dy mohues të lirive dhe të drejtave të njeriut. Të dy mohues të kombeve që duan paqe e bashkëjetesë njerëzore me fqinjët. Të dy punuan me presidentin aktual të Serbisë Vuçiq. Të dy kryen gjenocid. Të dy mohuan krimet”.
Po ashtu, nga kjo parti kanë thënë se Vuçiqi duhet të ndëshohet edhe për të kaluarën edhe për të tashmën e shërbimit të tij, pasi sipas LVV-së, Vuçiqi i shërbeu si ministër Millosheviqit, e si president po I shërben Putinit.
“Njëri vdiq pa ju shqiptuar dënimi, tjetrit po ja shqipton dënimin e gjithë bota e lirë dhe demokratike. Autokrati Vuçiq që si ministër i shërbeu Millosheviçit, e si president po i shërben Putinit duhet të ndëshkohet edhe për të kaluarën edhe për të tashmen e shërbimit të tij”, thuhet më tej në reagimin e LVV-së. /teve1.info/
