Ish-presidenti i Kosovës, Hashim Thaçi i ka shprehur ngushëllime familjarëve të rreshterit Afrim Bunjaku, i cili u vra në krye të detyrës në Banjskë të Zveçanit.
Kështu ka bërë të ditur nënkryetari i Skënderajt, Sami Lushtaku, i cili sot ka qenë për ngushëllime në familjen e Bunjakut.
Lushtaku në Facebook tha se rreshteri Bunjaku, ra heroikisht në mbrojtje të sovranitetit të shtetit të Kosovës.
“Nga Haga, përmes telefonit, familjarët e Afrimit i ngushëlloi edhe Presidenti Hashim Thaçi, i cili është prekur thellësisht nga rënia e tij, duke shprehur mirënjohje për sakrificën e lartë të tij në shërbim të atdheut.Ngushëllimet më të thella familjes Bunjaku, miqve dhe dashamirëve!Lavdi veprës së heroit Afrim Bunjaku!”, tha Lushtaku./teve1.info./