Edhe 24 orë pas, zjarri në fabrikën e plastikës në Korroticë të Epërme të Drenasit ka qenë aktiv megjithëse situata është stabilizuar. Për ta shuar atë u angazhuan zjarrfikësit gjatë ditë së sotme. Kurse rrethanat që dërguan deri tek ky zjarr ende nuk dihen.
Zjarri ende nuk është ndalur.
Edhe pas 24 orëve po vazhdon përpjekja e zjarrfikësve për të shuar zjarrin në fabrikën e plastikës në Korroticë të Epërme të Drenasit.
Komandanti i zjarrfikësve në këtë Komunë, Afrim Gjeli ka thënë se situata tashmë është nën kontroll,teksa ka treguar që janë duke e përcjell me vëmendje gjendjen.
Afrim Gjeli, Komandant i zjarrfikësve në Komunën e Drenasit.
Për këtë ngjarje foli edhe i pari i Drenasit, Ramiz Lladrovci me ç’rast tregoi që zjarrfikësit janë detyruar të shkojnë deri në qytet për tu furnizuar me ujë.
Megjithatë, që përmasat e zjarrit ishin të mëdha,një banor i fshatit, Dobroshevc përreth fabrikës tha që nuk kanë parë tym në këtë anë.
Lidhur me këtë rast, Policia e Kosovës ka njoftuar se ende nuk dihen shkaktarët që dërguan deri tek shpërthimi i zjarrit.
