Real Madridi dhe Real Betis kanë barazuar pa gola në ndeshjen e tyre mbyllëse të La Liga.
Kampionët e shpallur së fundmi, kanë startuar me pothuajse më të mirët në këtë ndeshje dhe kishin më shumë raste. Karim Benzema rrezikoi dy herë në pjesën e parë, ndërsa një rast kishte edhe Toni Kroos.
Për Betisin rastin më të mirë e kishte Willian Jose, por rrjetat heshtën. Edhe në pjesën e dytë Benzema kishte disa raste, por i mungoi fati.
Në fund ka mundur të fitojë Betis, pasi që Joaquin kishte rast shumë të mirë për të shënuar, por nuk ia arriti të shënojë.
Real Madridi mbyll kampionatin me 86 pikë, ndërsa Betis mbetet në vendin e pestë me 65 pikë. Në këtë ndeshje me tifozët madrilien u përshendet Marcelo, i cili sonte ka zhvilluar takimin e fundit në La Liga me Real Madridin.
