Këngëtarja e njohur Loredana Zefi ka ndezur thashethemet se po pret fëmijë me partnerin e saj, futbollistin e njohur Karim Adeyemi.
Në klipin e saj më të ri, ku shihet në krah të futbollistit, vëmendjen e mori barku i saj i rrumbullakosur.
Në çdo fragment, Loredana i ka bërë fansat të mendojnë: “A është kjo një mënyrë fine për të lajmëruar shtatzëninë?”
Bukuroshja e “vulosi” dyshimin përmes një Instastory, ku publikoi një palë atlete të bardha, që shumë ndjekës e lexuan si një shenjë e qartë se ajo po pret një djalë. Ndërkaq, nga çifti nuk ka ende një konfirmim zyrtar.
Në librin e saj autobiografik “When My Heart Broke”, Loredana Zefi ka ndarë për herë të parë periudhën e vështirë të kaluar pas ndarjes nga këngëtari Mozzik.
Ajo ka zbuluar se pas këtij momenti të dhimbshëm, ka përjetuar një depresion të thellë, që ka ndikuar edhe në shëndetin e saj fizik.
Reperja ka treguar se gjatë atyre muajve të vështirë, pesha e saj ka rënë drastikisht, duke arritur në vetëm 43 kilogramë, pasi nuk ushqehej dhe konsumonte vetëm duhan dhe pije energjike.
Pas katër vitesh lidhje dhe një vajze së bashku, Hana, Loredana dhe Mozzik u ndanë miqësisht.
Sipas saj, ato ishin ditët më të vështira të jetës së saj, duke kujtuar se gjithçka dukej e padurueshme dhe se përballimi i jetës pa të ishte një betejë e vërtetë.
