Trajneri Julen Lopetegui do të kthehet për të punuar në Angli prej edicionit të ardhshëm. Lopetegui do të jetë në krye të West Ham Unitedit, ekip me të cilin tashmë ka arritur marrëveshje.
Bëhet e ditur se Lopetegui me ekipin londinez do të firmos kontratë trevjeçare, ndërsa në postin e trajnerit do ta zëvendësoj anglezin David Moyes që në fund të sezonit do të largohet nga West Hami. Lopetegui ishte në negociata edhe me Milanin, por në fund zgjodhi për t’u kthyer në Premier League, kampionat që e njeh mirë.
Edicionin e shkuar, Lopetegui ishte në krye të Wolverhamptonit kurse si trajner ka punuar edhe te Sevilla, Real Madridi e Porto. Për dy vjet, ai ka qenë edhe selektor i Spanjës.
