Llapi e Suhareka triumfuan në javën e parafundit, por dilema se kush bjen nga liga dhe kush mbetet në barazh është shtyrë për javën e ardhshme, kur edhe zhvillohet xhiroja e fundit.
Llapi fitoi minimalisht 0-1 ndaj Ballkanit në Suharekë, për të ruajtur vendin e tetë, ndërkohë si mysadire triumfoi edhe Suhareka ndaj Malishevës 1-2.
Në javën e fundit, llapjanët janë nikoqirë të Dukagjinit, derisa Suhareka luan derbin e qytetit me Ballkanin.
Të dyja skuadrave u duhet fitorja për të mbijetuar.
Ndërkohë mbijetesën e siguroi Dukagjini me fitore prej 3:1 fitore ndaj Ferizajt.
Ndeshja e vetme pa gola ishte ajo ndërmjet Gjilanit e Dritës.
Rezultatet e javës së 25-të dhe golashënuesit:
Dukagjini 3 – 1 Ferizaj
(Dienit Isufi 20’, Hekuran Berisha 41’, Elton Basriu 84’ – Erion Sadriu 73’)
Ballkani 0 – 1 Llapi
(Ardit Tahiri 13’)
Feronikeli 0 – 1 Prishtina
(Ron Raçi 95’)
Malisheva 1 – 2 Suhareka
(Valmir Berisha 78’ – Mevlan Zeka 67’, Jakup Berisha 75’)
Gjilani 0 – 0 Drita
