Drejtuesit e Liverpoolit kanë kontaktuar skuadrën e Interit për shërbimet e mesfushorit Marcelo Brozoviq, ka njoftuar “The Sun” të hënën.
Mësohet se Liverpooli i ka propozuar Interit një ofertë shkëmbimi për Brozoviqin, i cili pëlqehet nga trajneri Juergen Klopp.
Për kartonin e Brozoviqit, Liverpooli ka ofruar Roberto Firminon ose Naby Keitan, ofertë kjo që ka joshur ekipin italian.
Brozoviq ka kontratë me Interin deri në vitin 2026 dhe kartoni i tij vlerësohet rreth 40 milionë euro. Në anën tjetër, si Firminos ashtu edhe Keitas, kontratat me Liverpoolin u skadojnë vitin e ardhshëm.