Këtë mbrëmje Premierliga prezantohet me një super “sfidë”, mes Liverpoolit dhe Man Unitedit. Në “Anfield” do të zbresin 39 tituj kampion, me ‘The Reds’ që po synojnë të ngrisin lartë titullin e 20-t në histori, për ta barazuar rekordin pikërisht me rivalet kryesorë Unitedin.
Skuadra e Jurgen Klopp në fundjavë siguroj edhe finalen në “Fa Cup”, e që do të përballet me Chelsea. Të kuqtë në gjysmëfinale eliminuan pikërisht rivalin kryesor për titullin, Manchester Cityn e Pep Guardiolës, ndërsa sot kërkon triumfin jo vetëm për tre pikë, por për histori dhe lavdi. Ndërkaq, Unitedi e cila prej javësh ndodhet jashtë garës për titullin e Premierligës, po mëton fitore për të arritur një pozitë që dërgon në Champions.
Në frazën e parë djemtë e Klopp e “shkundën” Unitedin në “Old Trafford’ me shifra 5:1. Liverpooli është dominues në vitet e fundit në përballje me “djajtë e kuq”, të cilët fitore në shtëpi ndaj “the reds” nuk kanë marrë që nga marsi i 2018-es, kurse në “Anfield” kujtimi i fitores është ende më i largët nga 17-janari i 2016-tes me golin e Ronney.
Klopp në sfidën me Unitedin, pritet të nis me Alisson në portë, kurse në mbrotje me Matipin e Van Dijkun të ndihmuar nga krahët me Arnoldin dhe Robertsonin. Ndërkohë në mesfushë me Fabinho, Hendersonin dhe Thiago, ndërsa në sulm pritet të startojnë Jota e Diaz nga krahët me Salah si 9-sh i vetëm.
Megjithatë, Ragnick në këtë duel të lavdishëm pretendon të hyjë me De Gea në portë, i ndihmuar në qendër të mbrojtjes me Lindelofin dhe të kritikuarin Magurien, ndërsa nga krahët me Telles e Wan-Bissakan. Mesfusha pritet të jetë me Pogban e Matic në anën defanzive, kurse Fernandes të ndihmoj sulmin e paraprirë nga Elanga, Sancho e Ronaldo.
Formacionet e mundshme:
Liverpool: Alisson, Alexander-Arnold, Matip, Van Dijk, Robertson, Thiago, Fabinho, Henderson, Salah, Diaz, Jota.
Manchester United: De Gea, Telles, Lindelof, Maguire, Wan-Bissaka, Fernandes, Matic, Pogba, Sancho, Elanga, Ronaldo.
Liverpooli dhe Manchester United, do të ballafaqohen sonte nga ora 21:00 në kuadër të xhiros së 33-t në Premierligë.
/Tëvë1/
