Kuvendi i Kosovës ka nisur sot seancën konstituive, në përpjekjen e 24-të për formimin e tij.
Seanca po shoqërohet me kundërshtime nga opozita, e cila refuzon propozimin e kryesuesit Avni Dehari për votim të fshehtë në zgjedhjen e kryetarit të Kuvendit.
Pavarësisht tensioneve, procesi është në vazhdim.
Në seancat e fundit, kryesuesi i saj, Avni Dehari ka propozuar votim të fshehtë për kryetarin e Kuvendit. Nga LVV kanë thënë se me këtë formë votimi, Haxhiu do të votohej edhe nga disa deputetë të partive opozitare nga legjislatura e kaluar.
Ambasadori BE-së në Kosovë, ai i Gjermanisë dhe Francës, u kanë bërë thirrje partive politike që të formojnë institucionet sa më parë.
