Grupi i Miqësisë Lituani-Ballkan Perëndimor i Parlamentit të Lituanisë, në kuadër të vizitës në Kosovë, ka zhvilluar disa takime në Kuvendin e Kosovës.
Pas takimit me Grupin e Miqësisë Kosovë-Lituani të Kuvendit të Kosovës, deputeti Halil Thaçi, zëvendëskryesues i këtij Grupit, tha se me këtë rast theksuan rëndësinë e mbështetjes për anëtarësimin e Kosovës në Këshillin e Evropës dhe integrimet euro-atlantike.
Në një konferencë të përbashkët për medie, Laima Andrikienė kryesuese e Grupit të deputetëve të Lituanisë, tha se vendi i saj i jep mbështetje të plotë Kosovës në forcimin e shtetësisë së saj dhe integrimin euroatlantik, si dhe në aspektin e ndërtimit të shtetit demokratik./kp
