Lista Serbe ka reaguar pas arrestimit të Dalibor Spasiç nga Policia e Kosovës, i dyshuar për sulm ndaj ekipeve të medieve në Zveçan.
Në reagimin e Listës Serbe thuhet se kryeministri i Kosovës, Albin Kurti po vazhdon me persekutimin e serbëve në veri të Kosovës para syve të bashkësisë ndërkombëtare.
Ata kanë kërkuar ndërhyrjen e bashkësisë ndërkombëtare për të penguar provokimet për luftë nga Kurti siç kanë thënë ata.
“Ky është momenti i fundit që bashkësia ndërkombëtare të ndërhyjë drejtpërdrejt dhe ta pengojë Kurtin të provokojë luftë, sepse me lëvizjet e tij ai do të detyrojë të gjithë popullin serb të mbrohet nga kryengritja e Prishtinës dhe atëherë do të ishte një rrugë pa kthim. Asnjë njeri normal nuk dëshiron, sepse do të ishte fatale për të gjithë në këtë zonë”, thuhet në reagimin e tyre.
Poashtu aty thuhet se Dalibor Spasic, punonjës i shëndetësisë është arrestuar sot në vendkalimin administrativ të Jarinjës, kur po kthehej nga festa e fëmijëve./teve1.info/.