Bordi i Korporatës Energjetike të Kosovës ka njoftuar se ka liruar nga detyra Nagip Krasniqin, raporton teve1.info.
Sipas njoftimit, në mbledhjen e mbajtur dje Bordi i Drejtorëve ka marrë dy vendime, atë të lirimit nga detyra të ish-kryeshefit ekzekutiv, Nagip Krasniqi dhe vendimi tjetër është marrë për inicimin e procedurave për shpalljen publike për pozitën e kryshefit të ri të Korporatës Energjetike të Kosovës.
“Bordi i Drejtorëve të KEK sh.a. ka marrë vendim për të liruar nga detyra tashmë ish Kryeshefin Ekzekutiv, z. Nagip Krasniqi. Bordi i Drejtorëve të KEK sh.a. po ashtu ka vendosur që në ditët në vijim të inicohen e procedurat për shpalljen publike (konkursin) për pozitën e Kryeshefit Ekzekutiv të ri të Korporatës Energjetike të Kosovës”, thuhet në njoftim.
Krasniqi ishte arrestuar më 19 prill, nën dyshimet për tri vepra penale, të keqpërdorimit të pozitës zyrtare, ushtrimit të ndikimit dhe konfliktit të interesit. Rasti përfshin dy kontrata njëburimore në vlerë 3.5 milionë euro./teve1.info/
