Është liruar ish-deputeti i Kosovës nga rradhët e Lëvizjes Vetëvendosje, Gramos Agusholli i cili paraditen e së hënës është ndaluar nga autoritetet e Serbisë në pikën kufitare në Merdarë, ndërsa ishte në tranzit drejt Sllovenisë.
Lajmin për lirimin e ish-deputetit për Tëvë1 e ka bërë të ditur vëllau i tij, Gazmend Agushollli.
Ai ka thënë se Agusholli ka qëndruar atje për disa orë, ndërsa nuk ka informacione se për çfarë është marrë në pyetje.
Gazmendi po ashtu ka thënë se nuk ka informacione nëse i vëllai pas lirimit është nisur për në Kosovë ose ka vazhduar drejt Sllovenisë.
Për arrestimin e ish-deputetit Agusholli ka njoftuar Ministria e Punëve të Jashtme përmes një postimi në rrjetin social Facebook.
MPJD ka bërë të ditur se menjëherë Zyra Ndërlidhëse e Kosovës në Serbi ka njoftuar misionet diplomatike të shteteve të KUINT-it dhe Zyrën e BE-së në Beograd, si dhe janë ndërmarrë hapat e nevojshëm për të siguruar informacione të plota dhe zyrtare për rastin.
Ish-deputeti i VV-së ndalohet në Merdarë nga autoritetet e Serbisë
