Lipjani nuk ka skuadër në Superligën e Kosovës në futboll. Por e ka stadiumin që shpesh është qendër e rëndësishme e Superligës.
Stadiumi “Sami Kelmendi” në Lipjan është i vetmi në të cilin do të luhen dy ndeshje të xhiros së tetë të kampionatit të Kosovës në futboll.
Këtë të diel në këtë arenë është derbi gjilanas mes Dritës e Gjilanit, që do ta zhvillojnë derbin e parë lokal të këtij edicioni në elitën e futbollit kosovar, por jo në stadiumin e qytetit të tyre, por në një qytet tjetër.
Këtë hap e mori Drita për derbin e së dielës, pasi ë stadiumin e qytetit në Gjilan ka kohë që nuk luhen ndeshje. Skuadrat gjilanase kanë shfrytëzuar një fushë të improvizuar në stadium.
Këto dy skuadra përballen nuk mungon rivaliteti në fushë si dhe spektakli në tribuna, por fatkeqësisht edhe ky derbi do të zhvillohet me vetëm njërën tifozëri, kësaj radhe vendase.
Drita ka dhënë arsyen se për shkak të situatës në vendin tonë dhe për arsyeje se stadiumi nuk i plotëson kushtet është vendosur që kjo ndeshje të zhvillohet në Lipjan, vetëm me njërën tifozëri.
Kjo sfidë do të zhvillohet me fillim nga ora 15:00 me Dritën që po kërkon fitoren e tretë radhazi, derisa Gjilani synon që mos të mposhtet në derbin lokal.
Dueli tjetër i ditës së sotme do të zhvillohet në stadiumin ’18 qershori’ në Klinë ku Dukagjini pret Feronikelin ’74.
Klinasit nuk dinë për humbje në pesë ndeshjet e fundit duke marrë një fitore e katër barazime dhe synojnë që të vazhdojnë serinë pozitive.
Në anën tjerë 74-shi pas disfatës nga Drita në mesjavë kërkojnë të rikthehen te rezultatet pozitive
