Një grua nga Podujeva ka sjellë në jetë katërnjakë në Qendrën Gjinekologjike Obstetrike në QKUK të mërkurën, raporton teve1.info
Përmes një njoftimi në Faceboko ka njoftuar Shërbimi Spitalor, Klinik, Universitar i Kosovës, sipas të cilit gjendja shëndetësore e nënës 26-vjeçare dhe foshnjave është e mirë.
Sipas njoftimit të QKUK-së, tri foshnja janë të gjinisë mashkullore dhe një femërore.
“Në Klinikën Obstetrike – Gjinekologjike, të Qendrës Klinike Universitare të Kosovës, një nënë nga Podujeva, ka lindur katërnjakë.
Nëna me inicialet D. S., 26 vjeçare, ka lindur me operacion, në kujdes shëndetësor të mjekëve, mamive dhe infermierëve.
Tre fëmijë janë të gjinisë mashkullore dhe një e gjinisë femërore. Nëna bashkë me fëmijët janë në gjendje të mirë shëndetësore.
Tani fëmijët janë nën përkujdesje të stafit mjekësor në Klinikën e Neonatologjisë, ku janë duke marrë trajtimet e nevojshme”, thuhet në këtë njoftim.
