Kryetari i Nismës, Fatmir Limaj ka përkujtuar heroin Afrim Bunjaku në dy-vjetorin e vrasjes së tij nga një grup terrorist në Banjskë.
Limaj ka thënë se rënia e Afrim Bunjakut është dëshmi e përkushtimit të pakompromis ndaj detyrës, atdheut dhe ndaj paqes së fituar me shumë sfidë e sakrificë.
Derisa, ka shtuar se vepra dhe sakrifica e Afrimit do të mbetet përjetësisht në kujtesën e tij.
“Sot përkujtojmë me dhimbje dhe krenari heroin më të ri të Kosovës, Afrim Bunjakun, i cili ra heroikisht në mbrojtje të sovranitetit dhe integritetit të vendit tonë. Rënia e tij heroike është dëshmi e përkushtimit të pakompromis ndaj detyrës, ndaj atdheut dhe ndaj paqes së fituar me shumë mund e sakrificë. Vepra dhe sakrifica e Afrimit do të mbeten përjetësisht në kujtesën tonë. Lavdi e përjetshme emrit, veprës dhe kujtimit të Heroit, Afrim Bunjaku”, ka shkruar Limaj./teve1.info/
