Robert Lewandowski foli për mediat pas fitores së djeshme të Barcelonës kundër Vissel Kobe.
Sulmuesi 36-vjeçar është i lidhur me klubin katalanas deri në qershor 2026, por la të kuptohej se e ardhmja e tij te ky ekip nuk është e sigurtë.
Nuk e di nëse ky do të jetë viti i fundit i kontratës sime. Jam i qetë. Ajo që ndodh në fund të vitit nuk është e rëndësishme tani. Ajo që ka rëndësi është ajo që mund të bëj këtë sezon”– tha Lewandowski.
Pasi mbërriti në verën e vitit 2022 nga Bayern, sulmuesi ka ruajtur formën e tij në Spanjë, duke shënuar 101 gola në 147 paraqitje për Barçën.
