Pas disfatës së rëndë nga Bashkimi në xhiron e parë të Superligës, Vëllaznimi ka reaguar shpejt në treg për të plotësuar mungesën e lojtarëve të huaj në ekip dhe mbrëmë ka zyrtarizuar basketbollisin që mund të luajë në pozitat 3 dhe 4, Leonardo Colmerio.
Colimerio është brazilian, 200cm i gjatë, ndërkaq është në moshën 24 vjeçare. Së fundi ai ka qenë pjesë e NCAA-1, ku ka djersitur fanellën e ekipit Queens NC. Aty, ai ka pasur mesatare prej 28.9 minutave për ndeshje, duke dhënë 13.8 pikë, 3.2 asistime dhe 4.1 kërcime për ndeshje.
Vëllaznimi që drejtohet edhe këtë stinor nga trajneri kroat Jeronimo Sarin, në xhiron e radhës të Superligës ndeshet me ekipin e Trepçës. Trepça është kampione aktuale e Kosovës dhe pjesëmarrëse në FIBA Europe Cup këtë stinor.
