Skuadrës së Juventusit i është lënduar sulmuesi i krahut, portugezi Francisco Conceicao, i cili ka dëmtuar shpatullën ndaj Lazios dhe mund të mungojë për një muaj.
Conceicao u lëndua në humbjen e Juventusit nga Lazio 3:0, të dielën mbrëma kurse u inkuadrua në pjesën e dutë.
E lëndimi dhe mungesa e Conceicaos, mund t’i krijojë Edon Zhegrovës më shumë hapësirë te Juventusi pasi dy lojtarët luajnë në krahun e djathtë të sulmit.
Megjithatë, mbetet të shihet nëse trajneri i ekipit italian do t’i besojë Zhegrovës, duke i dhënë më shumë minuta në fushë gjatë mungesës së Conceicaos.
Zhegrova, në total këtë sezon ka luajtur 140 minuta në Serie A pasi është lënë jashtë listës për garat e Ligës së Evropës.
Megjithatë, futbollisti i Kosovës ka shënuar 2 gola dhe ka bërë 1 asistim në 6 ndeshje kampionale, në të cilat është aktivizuar nga banka e rezervistëve.
