Dy aksidente me shtatë persona të lënduar kanë ndodhur të dielën në Ferizaj, njëri në fshatin Nerodime dhe tjetri në Firaj, raporton teve1.info
Sipas informacioneve të Policisë së Kosovës, aksidenti i parë ka ndodhur në fshatin Nerodime ku një veturë e ka humbur kontrollin dhe e ka goditur një shtyllë elektrike.
Si pasojë lëndime ka pësuar drejtuesi i automjetit dhe dy bashkudhëtarë.
“Fsh. Nerodime, Ferizaj 26.02.2023 – 00:10. Një veturë me targa vendore të cilën e drejtonte i dyshuari mashkull kosovar, dyshohet se si pasojë e mospërshtatjes së shpejtësisë së lëvizjes dhe kushteve të rrugës ka dalur nga rruga dhe është përplasur në një shtyllë elektrike. Si pasojë e aksidentit lëndime trupore ka pësuar drejtuesi i veturës si dhe dy pasagjerë meshkuj kosovarë të cilët ishin në veturë”, thuhet në njoftim.
Ndërsa aksidenti tjetër në këtë komunë ka ndodhur në fshatin Firaj, në mes të dy veturave, si pasojë e mosmbajtjes së distancës, thuhet në raportin e Policisë.
Sipas njoftimit, lëndime në këtë aksident kanë pësuar gjashtë udhëtarë dhe ngasësi i njërit automjet.
“Fsh. Firaj, Ferizaj 26.02.2023 – 15:36. Dy vetura me targa vendore me drejtues meshkuj kosovarë janë përfshirë në një aksident trafiku në mes vete. Deri te aksidenti ka ardhur për shkak të mosmbajtjes së distancës anësore në mes të veturave. Si pasojë e aksidentit lëndime trupore kanë pësuat njëri nga drejtuesit e veturave si dhe 6 (gjashtë) pasagjerë kosovarë të cilët ishin në vetura”, thuhet në komunikatë.
